Ovid Amores 1.3: Difference between revisions
From Dickinson College Wiki
Jump to navigationJump to search
No edit summary |
No edit summary |
||
| Line 1: | Line 1: | ||
[[OvidAmores1.3Vocab|vocabulary]] | [[Ovid Amores 1.1|previous]] | [[Ovid Amores 1.4|next]] | [[Ovid Amores|main]] | [[OvidAmores1.3Vocab|vocabulary]] | [[Ovid Amores 1.1|previous]] | [[Ovid Amores 1.4|next]] | [[Ovid Amores|main]] | ||
---- | |||
Iusta precor: quae me nuper praedata puella est, | Iusta precor: quae me nuper praedata puella est, | ||
| Line 53: | Line 53: | ||
:iunctaque semper erunt nomina nostra tuis. | :iunctaque semper erunt nomina nostra tuis. | ||
---- | |||
[[OvidAmores1.3Vocab|vocabulary]] | [[Ovid Amores 1.1|previous]] | [[Ovid Amores 1.4|next]] | [[Ovid Amores|main]] | [[OvidAmores1.3Vocab|vocabulary]] | [[Ovid Amores 1.1|previous]] | [[Ovid Amores 1.4|next]] | [[Ovid Amores|main]] | ||
Latest revision as of 20:07, 6 April 2012
vocabulary | previous | next | main
Iusta precor: quae me nuper praedata puella est,
- aut amet aut faciat cur ego semper amem!
A, nimium volui: tantum patiatur amari;
- audierit nostras tot Cytherea preces!
Accipe, per longos tibi qui deserviat annos; 5
- accipe, qui pura norit amare fide!
Si me non veterum commendant magna parentum
- nomina, si nostri sanguinis auctor eques,
nec meus innumeris renovatur campus aratris,
- temperat et sumptus parcus uterque parens— 10
at Phoebus comitesque novem vitisque repertor
- hac faciunt, et me qui tibi donat, Amor,
et nulli cessura fides, sine crimine mores
- nudaque simplicitas purpureusque pudor.
Non mihi mille placent, non sum desultor amoris: 15
- tu mihi, si qua fides, cura perennis eris.
Tecum, quos dederint annos mihi fila sororum,
- vivere contingat teque dolente mori!
Te mihi materiem felicem in carmina praebe—
- provenient causa carmina digna sua. 20
Carmine nomen habent exterrita cornibus Io
- et quam fluminea lusit adulter ave,
quaeque super pontum simulato vecta iuvenco
- virginea tenuit cornua vara manu.
Nos quoque per totum pariter cantabimur orbem, 25
- iunctaque semper erunt nomina nostra tuis.
vocabulary | previous | next | main
